ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ក្រុមហ៊ុន SpaceX – Starlink ស្វែងរកឱកាសវិនិយោគ​នៅកម្ពុជា | សមាគមអភិរក្សសត្វត្មាតពីការផុតពូជប្រចាំទ្វីបអាស៊ី SAVE បានវាយតម្លៃថាវត្តមានសត្វត្មាតនៅកម្ពុជាឆ្លុះបញ្ចាំងពីកិច្ចការពារនិងអភិរក្សធនធានធម្មជាតិបានយ៉ាងល្អ | ទូតអ៉ីស្រាអែលប្ដេជ្ញាចិត្ត ពង្រឹង និងពង្រីកកិច្ចសហប្រតិបត្តិការជាមួយកម្ពុជា ឱ្យកាន់តែរីកចម្រើនបន្ថែមទៀត | ឆ្មាំទន្លេនៅតំបន់ការពារសត្វផ្សោតទន្លេមេគង្គចំនួន ៣រូប ត្រូវបញ្ចប់តួនាទី ក្រោយរកឃើញថាមានជាប់ពាក់ព័ន្ធនឹងការនេសាទខុសច្បាប់ | BREAKING: ដកតំណែងប្រធានសាលាដំបូងខេត្តតាកែវព្រោះដោះលែងទណ្ឌិតជាប់ទោសពីបទឃាតកម្ម មិនទាន់បានអនុវត្តទោស ២/៣ នៃទោសសរុប |

នាយករដ្ឋមន្ត្រីជំរុញការអនុវត្តភូមិឃុំមានសុវត្ថិភាពតាមរយៈការបង្ក្រាបល្បែងស៊ីសងនិងគ្រឿងញៀន

  • ចុះផ្សាយថ្ងៃទី២៩ ខែកញ្ញា ឆ្នាំ២០២២ ម៉ោង ០៩:២៨ នាទី ដោយ Hun Sirivadh
  • 1831
  Aa |   aA


ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានជំរុញឲ្យមានការបង្ក្រាបនូវល្បែងស៊ីសងខុសច្បាប់ និងគ្រឿងញៀននៅតាមមូលដ្ឋាន ដោយថាដើម្បីជំរុញដល់ការអនុវត្តឲ្យបានជោគជ័យនូវគោលនយោបាយភូមិឃុំមានសុវត្ថិភាព។

ថ្លែងក្នុងវេទិកាជាតិអន្តរសាសនាប្រឆាំងការជួញដូរមនុស្សលើកទី៦ ព្រឹកថ្ងៃព្រហស្បតិ៍ ទី២៩ ខែកញ្ញានេះ សម្ដេចតេជោ ហ៊ុន សែន បានលើកឡើងថាល្បែងស៊ីសងបានបង្កនៅអំពើអសន្តិសុខជាច្រើន រួមមានទាំងអំពើចោរកម្មនិងអំពើហិង្សាផងដែរ ហើយនៅពេលដែលគួបផ្សំជាមួយនឹងបញ្ហាញៀនគ្រឿងញៀនបន្ថែមទៀត វាធ្វើឲ្យសុវត្ថិភាពនៅតាមភូមិឃុំកាន់តែមានភាពប្រឈមកាន់តែខ្លាំង។ 

សម្ដេចតេជោក៏បានបន្ថែមថា ការបង្ក្រាបនូវល្បែងស៊ីសងខុសច្បាប់ ក៏ជាការជួយលុបបំបាត់នូវអំពើជួញដូរមនុស្សផងដែរ។ 

សម្ដេចតេជោថា៖ «ដើម្បីភូមិឃុំមានសុវត្ថិភាព វិធីល្អនោះគឺជំរុញការអនុវត្តបំបាត់ល្បែងស៊ីសងតាមមូលដ្ឋាន ជំរុញបំបាត់ការជួញដូរគ្រឿងញៀននៅឯមូលដ្ឋានដែលនោះជាការលុបបំបាត់នូវការជួញដូរមនុស្ស។ ប្រជាពលរដ្ឋនឹងសន្សំបានប្រាក់កាក់ និងមានសុខដុមរមនីយ»។ 

គោលនយោបាយភូមិឃុំមានសុវត្ថិភាពត្រូវបានដាក់ចេញនៅខែសីហា ឆ្នាំ២០១០ បន្ទាប់ពីនាយករដ្ឋមន្ត្រី សម្ដេចតេជោ ហ៊ុន សែន បានប្រកាសពីការលើកកំពស់ និងជំរុញចលនាការពារសន្ដិសុខ សណ្ដាប់ធ្នាប់សាធារណៈនៅគ្រប់ពេល និងគ្រប់កន្លែងនៅទូទាំងប្រទេសកម្ពុជា។ 

បច្ចុប្បន្នលក្ខណៈសម្បត្តិនៃភូមិ-ឃុំ-សង្កាត់ មានសុវត្ថិភាពមានចំនួន៧គឺ ផ្ដល់សេវាសាធារណៈប្រកបដោយតម្លាភាព គ្មានបទល្មើសគ្រប់ប្រភេទ គ្មានគ្រឿងញៀន និងល្បែងស៊ីសង។ ភូមិ-ឃុំ-សង្កាត់ មានសណ្ឋាប់ធ្នាប់សាធារណៈល្អ គ្មានអំពើអានាចារការជួញដូរមនុស្ស គ្មានហិង្សាក្នុងគ្រួសារ គ្មានក្មេងទំនើង មានការដោះស្រាយវិវាទក្រៅប្រព័ន្ធតុលាការប្រកបដោយគុណភាព និងប្រសិទ្ធភាព។ ភូមិ-ឃុំ-សង្កាត់ មានសោភ័ណភាព និងបរិស្ថានល្អ និងឆ្លើយតបបានទាន់ពេលវេលាចំពោះគ្រោះមហន្តរាយ និងជំងឺរាតត្បាត៕ 

PHOTO: EAC NEWS

ព័ត៌មានជាច្រើនទៀតសម្រាប់អ្នក